حاااارة السبع ورعااان

:::: حارة السبع ورعان ::::

تعتبر حارة السبع ورعان من أقدم الحارات بالشرق الأوسط <<<من أولها نصب هههههههه
وسميت الحاره بهذا الاسم لوجود سبع ورعان فيها<<قل قسم
ولقد جلبوا السبع ورعان الشهره لهذي الحاره لكثرة مشاكلهم ودلاختهم وكرمهم وفزعتهم

<<مؤلف محشش

:::: السبع ورعان هم ::::

1/مــهدي

السبب انه متكعبل ببعضه وماله رقبه وافدغ مشكلته بالحاره انه مسوي فيها انه مغزلجي وكل البنات خاقات عنده بس يبي له حظ << مانت صاحي ياجواد العلي

من انجازاته بالحاره :

1/مسك حرامي كان يبي يسرق اسطوانه غاز من بيت سعد
2/حشر ورع كان ضارب حمدان قبل سنه وفقش وجه ولعن ابو خامسه بس بعدها بيوم الورع ذا حشر مهدي بالحاره اللي جنبهم وجاب اخوه الكبير وفقع وجه مهدي خلاه يرجع الحاره يزحف على جنبه

______

2/ سعد الملقب (( باالدب الداشر ))

السبب لانه كان اكبر دااشر بالحاره 24 ساعه جالس بالزاويه ومراقب الحاره كلها هو وشعره اللي كنه ستاره

من انجازاته بالحاره

1/كان يحشر الورعان اللي يتلقفون على محمود ويفقع وجيهم لانهم كان يحشرون محمود بالزاويه ويسرقون فسحته او العسكريم حقه

____

3/ نــايف يلقبونه بالحاره بــ((بولنتي))

سبب اللقب يعود الى حصة الرياضه في صف سادس ابتدائي كان يلعب نايف وكسر واحد وماحسبوا شي وقاام يصيح نايف ويقول للمدرس والله العظيم انها ((بولنتي)) <<بلنتي ومسكوها عليه

اهم انجازاته بالحاره

1/ كان يسحب عيال الحاره اللي جنبهم يتصل عليهم جوال ويقلد اصوات بنات ويخليهم يشحنون له بطاقات سوا ... <<<انجازه بايخ مادري وش يبي

_____

4/محمودالملقلب بــ ((المصري))

سبب اللقب لانهم ايام الاختبارات مايشوفونه بالحاره وكمان بعد كان دايم يلبس السروال فوق البلوزه ويرفع السروال فووووووووق وحاط شعره على جنب

اهم انجازات حموده

1/كان يسوي لشباب الحاره ملخصات ودروس خصوصيه ويتوسط لهم عند ابوه <<ابوه مدرس رياضيات

______

5/حمدان ((وجه النكبه ))

سبب اللقب يعود الى مواقف كثيره والسبب انهم كل مايدخل حمدان بموضوع لازم يخربه واخرها راعي البقاله حشره هو وسعد سارقين بيبسي وسنكرس ((للمعلوميه سعد خدمه 10 سنوات سرقه وماعمره احد صاده واول مره يخاويه حمدان وصادوهم))

اهم انجازته بالحاره

1/كان لما تسطح الكوره بالورشه حمدان ينقز يجيبها لان عليه سيقان تقول عصا مكنسه ماشاء الله لااله الا الله اذكرووا الله لاتجيبون خبرها
2/كان مشغله عنده عوض سقرت يراقب الددسن حقته بالليل<<مادري هذي وظيفه ولا انجاز << توه صاحي من النوم

_____

6/عوض ((عربجي الحاره ))

السبب انه معه ددسن 84 ومنزله ومغبره ومايسمع غير ابو فيصل كسرات بالحاره او عزازي واذا خربها وكان خااش جوو يسمع مزعل فرحان

من انجازاته بالحاره

للاسف ماقدم أي شي للحاره ولكن خرب الحاره بسمعته الله يهديه

_____

7/حمود الملقب بــ((دبوس الحاره))

السبب انه مره شااف مهدي يسرق من البقاله تايد ((فاهي شكله غلطان يبي بسكوت واخذ اقرب شي منه )) المهم شافه حمود وراح علم عليه صاحب البقاله , ثاني يوم جاء مهدي يرجع لهم التايد يبي ياخذ بداله بيبسي وفقع وجهه صاحب البقاله <<<ملطشه اللي يجي يفقع وجهه

من انجازات حمود

1/ فقش راس مهدي <<< لاحظوا هذا انجاز
2/ كسر قزاز سيارة مدرس رسب عوض قبل سنتين <<انجازاته عمليات اجراميه

اتمني ان تعجبكم

» فوائد الصمت السبع ::..