ابطل زقاير<<للشاعر فهد المساعد

ياغايبه وإن كان فيها جماله
تِجمّلي ياام الحلا والظفاير

باالله شوفي صاحبك كيف حاله
شوفيه في غيبتك وشلون صاير

صارت حياته ضيق خلق وبطاله
هم وسهر واوراق شعرو(زقاير)

يعني حبيبك صار حالته حاله
ماباقي الاانه يد ن العباير

الله لامنه ذكر مـــامضاله
قبل الدوايرماتجر الدواير

يوم الطفوله والشقا والجهاله
يوم الكبايرفي عيونه صغاير

أيام كان معانده راس ماله
ويسوق لهبال الشقاوه بشاير

ياما إمتلى بالحب والطيش باله
وياما إمتلت من شخبطته العواير

يكتب عليها: (عااااشقك للثماله)
ويخط توقيعه: (جريح الضماير)

ياما إشتكاه ابوك في بيت خاله
وياما تحصل من هواك العزاير

مره حلف بــ أنه يبطل هباله
وقبل يكمّل.. فك أخوه الستاير

ثم طالع الشباك.. لينك قباله
وفــ أقل من لمح البصر جاك طاير

على صغرسنه مميل عقاله
كاشخ وناسي لايصك الزراير

لاشافك يتمتم لحاله بحاله:
لعيون هالشوفه تهون الخساير

ولاشاف زول ابوك حذّف نعاله
الحب جاير.. لكن العود جاير

طفل يتيم رغم الاحزان داله
مايدري إن حظه مع الوقت باير

كنتي طموحه و أغلى حلاله
كنتي وصرتي.. بس ياام الظفاير

طفل زرع من ضحكتك في خياله
لين اثمرت شعر هزاله حراير

لاتتركينه في غيابك لحاله
باالله شوفي كيف هالطفل صاير

ووحد بوحده كان عندك عداله
اتبطّلي غيبه وابطّل(زقاير)

مشكــــــــــــــــــــورة حياتي على القصيدة

» كلمات ، للشاعر خالد الفيصل ،
» القصيده الجديده للشاعر حامد زيد ..لا تفوتكم ..
» قصيدة في عينيك عنواني (للشاعر فاروق جويدة)
» قصيدة (المغنى الحزين )للشاعر فاروق جويدة
» وقفة وفا للشاعر طلال الرشيد الرجاء من الجميع الدخول